Saturday, November 9, 2013
8 ڊسمبر تي اعلانيل ايڪتا ڏهاڙي جي جاڳرتا
ڪاوش ۽ ڪي ٽي اين نيوز پاران 8 ڊسمبر تي ايڪتا ڏهاڙو ملهائڻ واري سڏ جي جاڳرتا لاءِ ڪاوش ۽ ڪي ٽي اين آفيس ۾ سگهڙ ڪچهري ٿي، جنهن ۾ سگهڙن محمد بخش سهتو، محمد حسن هڪڙو، غلام حسين سولنگي، علي نواز سولنگي، رحيم بخش جلباڻي، عبدالرشيد مري، محب لاشاري ۽ ٻين شرڪت ڪئي، انهيءَ موقعي تي سگهڙن ڏور، بيت، نڙ ۽ ڳجهارتون ڏئي واهه واهه ڪرائي داد حاصل ڪيو، انهيءَ موقعي تي شرڪت ڪندڙن چيو ته اهڙا ڏينهن ملهائڻ گهرجن، ان سان اسان جي ڪلچر کي هٿي ملي ٿي.
سگريٽ ڇڏڻ لاءِ ويڪسين جي مدد وٺو
اهڙن ماڻهن لاءِ جيڪي سگريٽ ڇڏڻ چاهين ٿا تن لاءِ اها خوشخبري آهي ته آمريڪا ۾ هڪ اهڙي ”اينٽي اسموڪنگ ويڪسين تيار ڪئي وئي آهي جيڪا سگريٽ ڇڏڻ ۾ اوهان جي مدد ڪري سگهندي.
ان ويڪسين جون هڪ مهينون انجيڪشنون لڳائڻيون پونديون. ڇهه انجيڪشنون لڳائڻ لازمي آهن. انهن انجيڪشنن سان رت ۾ اهڙيون اينٽي سگريٽ پيئڻ جي ذُق کان محدود ڪري ڇڏينديون آهن يعنيٰ ماڻهوءَ کي سگريٽ پيئڻ ۾ مزو نه ايندو ۽ ايئن ان جي ٻاڙ مري ويندي. نتيجي ۾ سگريٽن کي ماڻهو بيڪار سمجهڻ لڳندا.
صحت: پيريءَ تي اثرانداز ٿيندڙ جين جو پتو پئجي ويو
يورپي سائنسدانن هڪ تجربي جي مدد سان پيريءَ تي اثر انداز ٿيندڙ ان جين جو پتو لڳائي ورتو آهي. جيڪو صرف ماءُ کان ورثي ۾ ملي ٿو. هنن جو چوڻ آهي ته هاڻي وقت اڳي ئي چهري جي رونق وڃائڻ ۽ نرڙ ۾ پوندڙ گهنجن جي وڌڻ واري عمل کي ماحول توڙي لائيف اسٽائل کي ئي ذميوار نه ٿو ڪوٺي سگهجي، بلڪه جلد پوڙهائپ طرف وٺي وڃڻ ۾ اسان جي جين جو به اهم ڪردار آهي. هي موروثي جين خرابين سان گڏ جڏهن منتقل ٿين ٿا ته ان جا اثر نه رڳو چهري تي گهنجن پر وقت کان اڳ ئي پوڙهو ٿيڻ واري صورت ۾ ظاهر ٿين ٿا نه رڳو ايترو پر زندگي کي به مختصر بڻائن ٿا. جرمني سوئيڊن سان تعلق رکندڙ سائنسدان جو چوڻ آهي ته والدين کان منتقل ٿيندڙ موروثي جين جيڪي اسان جي واڌ ويجهه ۽ جسماني بيهڪ تي به اثر انداز ٿين ٿا. اهي نارمل ۽ خرابيون رکڻ واري ڊي اين اي تي ٻڌل هجن ٿا. جيڪي هن نسل کان ٻئي نسل تائين منتقل ٿين ٿا. محققن جو چوڻ آهي ته پيريءَ وارو عمل هڪ ڳجهارت بڻيل آهي ته آخر جو ڪجهه ماڻهن ۾ ٻين جي ڀيٽ ۾ پهريان ئي پوڙهائپ اچي وڃي ٿي. انهن ڳالهين جو جواب اڃا نه ملي سگهيو آهي.”لکيل پڙهيل “ سمارٽ فون ايپليڪشن
مارڪيٽ ۾اهڙي ايپلڪيشن به اچي وئي آهي جيڪا لکيل لفظن کي سمجهي انهن مان چڪون ڪڍي سگهي ٿي يا انهن کي بهتر بڻائڻ جي تجويز ڏئي ٿي.
ايپل جي شين آءِ پيڊ ۽ آءِ فون جي لاءِ ” ايڪوئل نوٽ“ نالي هڪ نئين ايپليڪشن متعارف ڪرائي وئي آهي. جيڪا پاڻ سان ڳنڍيل ” ايڪوئل نوٽ“ نالي هڪ سمارٽ پين سان لکيل لفظ پڙهي انهن ۾ نه رڳو ردو بدل جون تجويزون ڏئي ٿي پر ان جي مدد سان لکيل لفظن کي اي ميل به ڪري سگهجي ٿو. ڪنهن کي ميسيج موڪلي سگهجي ٿو. ان کان علاوه به گهڻي ڪم واريون شيون اٿس. هن ايپليڪشن کي تيار ڪندڙ ڪمپني جو چوڻ آهي ته اهي هڪ اهڙي ايپليڪشن تيار ڪرڻ چاهن ٿا. جيڪا هر شئي کي پڙهي سگهي. کڻي اها ڪٿي به لکي وئي هجي. تنهن ڪري هن ڪمپني جيڪا شئي تيار ڪئي آهي اها ڪاغذ يا ڪٿي به لکيل لفظن کي آءِ فون يا آءِ پيڊ تي ڏيکاري ٿي. ان سان گڏ ايڪوئل نوٽ لکڻي ۾ بهتري جون تجويزون به ڏئي ٿي. ۽ گڏوگڏ ان کي اي ميل يا ڪنهن کي ميسيج جي طور تي آپشن به ڏئي ٿي. هي ايپليڪشن بلو ٽوٿ جو استعمال ڪندي ڊيٽا ٽرانسفر ڪري ٿي. هن ۾ هڪ سمارٽ پين ۽ هڪ رسيور جو استعمال ڪيو ويو آهي. جيڪي انفرادي ۽ الٽرسونڪ لهرن ذريعي ڊيٽا کي هيڏانهن هوڏانهن اماڻن ٿا ايڪوئل نوٽ ذريعي تصويرون به ڪڍي سگهجن ٿيون. جن کي ايپليڪشن ذريعي وڌيڪ خوبصورت بڻائي سگهجي ٿو. نه رڳو ايترو پر سمارٽ فون سان اسڪيچ ۽ خاڪا به ٺاهي سگهجن ٿا.
آپريشن مان لڳي پيو ته ڄڻ وڏا دهشتگرد متحده وارا ئي آهن: رابطا ڪميٽي
ڪراچي ( پ ر) متحده قومي موومينٽ جي حق پرست سينيٽرن سرڪاري حراست ۾ وحشياڻي تشدد جي نتيجي ۾ ايم ڪيو ايم برنس روڊ سيڪٽر يونٽ 23 جي سابق جوائنٽ يونٽ انچارج دلشاد احمد خان جي قتل کي عدالت کان مٿانهون قتل سڌي سخت لفظن ۾ مذمت ڪئي آهي ۽ چيو آهي ته ڪراچي ۾ ٽارگيٽيڊ آپريشن جي دوران سرڪاري حراست ۾ تشدد جي ڪري دلشاد احمد خان جو عدالت کان مٿڀرو قتل آئين ۽ قانون کي ليڙون ليڙون ڪرڻ جي برابر آهي ۽ ان ڳالهه جو واضح ثبوت آهي ته سنڌ حڪومت پنهنجن مقصدن جي پورائي جي لاءِ ايم ڪيو ايم جي سياسي، جمهوري ۽ آئيني حق کي بري طرح سان تباهه ڪري پئي، هنن چيو ته جڏهن کان ڪراچي ۾ ٽارگيٽيڊ آپريشن شروع ڪيو ويو آهي ته ايم ڪيو ايم جي ڪارڪنن کي ائين گرفتار ڪيو پيو وڃي ڄڻ ته اهي ئي سڀني کان وڏا دهشتگرد ۽ ڏوهاري آهن، جڏهن ته اصل ڏوهاري، ڀتا خور ۽ دهشتگرد قانون نافذ ڪرڻ وارن جي لاءِ اڄ به هڪ چئلينج بڻيل آهن.
Subscribe to:
Posts
(
Atom
)
