.........جديد بسترو

سوچ مثبت ر کھیں ‘خوش رہیں

سوچ مثبت ر کھیں ‘خوش رہیں

بہترین انسان وہ ہے جو اللہ تعالیٰ کی رضا میں راضی ہو۔ یہ کمرہ‘ یہ ماحول میرے رب تعالیٰ نے میرے لیے منتخب کیا ہے تقریباً ڈیڑھ دو سال پہلے میرے سر کے پچھلے حصے میں تکلیف شروع ہوئی جو کافی عرصہ علاج کےبعد ٹھیک ہوئی‘ ابھی ٹھیک ہوئے صرف آٹھ نو ماہ ہی ہوئے کہ دوبارہ سے وہی شکایت محسوس ہونے لگی‘ ہمارے گھر میںپانی کی موٹر کا شور ہوتا ہے‘ میں اس شور سے تنگ آکر کبھی کسی کے گھر اور کبھی کسی کے گھر سکون ڈھونڈتی۔ میں پرسکون رہنا چاہتی تھی۔ ایک دن ظہر کی نماز میں اسی بوجھل پن اور تکلیف دہ کیفیت میں پڑھ رہی تھی کیونکہ کھڑکی کے ساتھ موٹرکا بے انتہا شور تھا اور نماز میں میری توجہ بار بار بٹ رہی تھی اور ایک دم سے میرے دل میں خیال آیا کہ سب کچھ اللہ کی طرف سے ہوتا ہے۔ بہترین انسان وہ ہے جو اللہ تعالیٰ کی رضا میں راضی ہو۔ یہ کمرہ‘ یہ ماحول میرے رب تعالیٰ نے میرے لیے منتخب کیا ہے میں رشتہ داروں کے گھروں کو حسرت سے دیکھتی تھی کہ ان کے گھروں میں کتنا سکون ہے‘ موٹر کا شور نہیں‘ کاش! ان کی جگہ میرا گھر ہوتا اور ساتھ قرآن کی وہ آیت یاد آگئی۔ ترجمہ: جو تم اپنے لیے بہتر سمجھتے ہو بعض اوقات تمہارے لیے وہ اچھا نہیں ہوتا اور جو تم اپنے لیے ناپسند کرتے ہو‘ ہوسکتا ہے وہ تمہارے لیے بہتر ہو۔ بعض اوقات تمہارے لیے وہ اچھا نہیں ہوتا جو تم اپنے لیے ناپسند کرتے ہو‘ ہوسکتا ہے وہ تمہارے لیے بہتر ہو۔ یہ سب سوچتے ہی میرے سر کا بوجھل پن اور تکلیف دور ہونے لگی اور طبیعت ہلکی پھلکی سی محسوس ہونے لگی۔ موٹر چلتے ہوئے بھی اس کا شورمحسوس نہیں ہورہا تھا۔ میں یہ سوچنے لگی ہم اپنی سوچ کے زیراثر ہوتے ہیں۔ خوش یا ناخوش رہنا اپنے اختیار میں ہے۔ ہمیں جیسے بھی حالات درپیش ہوں اگر یہ سوچیں کہ یہی اللہ تعالیٰ کی مرضی ہے اور ہم اس کی رضامیں ہی راضی ہیں تو یقین مانیے زندگی بہت اچھی لگتی ہے۔ بہرحال اللہ رب العزت سے راضی رہیے آپ کو اپنی تکلیف بھی پیاری لگے گی کہ یہ ہمارے رب کی طرف سے ہے۔ جیسے مجھے اب موٹرکا شور محسوس نہیں ہوتا اگر کوئی بھی تکلیف ہو اسے اللہ رب العزت کی طرف سے آئی ہوئی آزمائش سمجھیںگے اور اس تکلیف پر صبر وشکر کرینگے تو انشاء اللہ تعالیٰ بہت جلد وہ تکلیفیں دور ہونگی کیونکہ اللہ رب العزت نے فرمایا ہے کہ ہر تنگی کے بعد آسانی ہے۔

گھریلو صارفین کیلئے بجلی کی لوڈشیڈنگ ختم ہوگئی، ترجمان این ٹی ڈی سی

اسلام آباد…موسم کا سرد ہونا رحمت بن گیا، وزارتِ پانی وبجلی کا دعویٰ ہے کہ ملک بھر میں بجلی کے گھریلو صارفین کی لوڈشیڈنگ ختم کر دی گئی ہے، بجلی کی طلب کم ہو کر 11ہزار میگاواٹ رہ گئی۔ ترجمان این ٹی ڈی سی کے مطابق گھریلو لوڈشیڈنگ مکمل طور پر ختم کر دی گئی ہے، بجلی کی پیداوار 9ہزار 800میگاواٹ اورطلب کم ہو کر 11ہزار میگاواٹ رہ گئی، اس طرح شارٹ فال بھی کم ہو کر 1200میگاواٹ رہ گیا۔ہائیڈل کے ذریعے بجلی کی پیداوار 3ہزار 740میگاواٹ ہے۔ تھرمل کے ذریعے1ہزار515میگاواٹ اورآئی پی پیز کے ذریعے بجلی کی پیداوار 4ہزار 545میگاواٹ ہے۔