هڪ تازي سروي موجب 23 سيڪڙو آمريڪين کي اوجاڳي جي بيماري آهي جنهن سان آمريڪي معيشت کي ساليانو 63.2 بلين ڊالر جو نقصان ٿئي ٿو. تازو ئي آمريڪا جي اڪيڊمي آف سليپ ميڊيسن پاران جاري ڪيل رپورٽ موجب ساليانو بنياد تي هر آمريڪي شهري کي اوجاڳي جي بيماري يا وري گهٽ ننڊ اچڻ جي بيماري جي ڪري 11.3 ڏينهن جو نقصان ٿئي ٿو.هاورڊ ميڊيڪل اسڪول ۾ نفسياتي بيمارين جي ماهر ۽ هن سروي ۾ شامل ڊاڪٽر رونلڊ ڪيسلر جو چوڻ آهي ته ”اسين انهن نتيجن جو جائزو وٺڻ بعد اچرج ۾ پئجي ويا سين ته ننڊ نه اچڻ يا وري گهٽ آرام ڪرڻ سان عام ماڻهو جي زندگي تي ڪيترو بُرو اثر پوي ٿو. ڊاڪٽر ڪيسلر وڌيڪ چيو ته ان جو مطلب اِهو ناهي ته گهٽ سمهڻ سان آمريڪي شهري ڪم ڪونه ڪندا آهن. ان جي ابتڙ آمريڪي پنهنجي ملازمت واري جاين ڏانهن ويندا آهن پر ڪم تمام گهٽ ڪري سگهن ٿا. ڊاڪٽر ڪيسلر موجب هن سروي ۾ آمريڪا جي 7 هزار کان وڌيڪ ملازمن کي شامل ڪيو ويو.اِها رپورٽ ڊاڪٽر ڪيسلر جي هن سروي جو حصو هئي جنهن جو نالو American Insomnia Study رکيو ويو آهي. اِها ريسرچ سال 2008 جي شروعات ۾ ڪئي وئي. هن سروي موجب اِها بيماري ليڊيز ورڪرز ۾ مردن کان وڌيڪ آهي. هن سروي ۾ شامل 27.1 سيڪڙو عورتن کي اوجاڳي يا وري گهٽ ننڊ اچڻ جي بيماري آهي جڏهن ته مردن ۾ اِها شرح 19.7 سيڪڙو هئي.ڊاڪٽر ڪيسلر موجب کيس خبر آهي ته ننڊ نه اچڻ جي ڪري آمريڪي معيشت کي ڪيترو نقصان ٿيو آهي. سروي موجب هن بيماري جي علاج لاءِ هر مريض ساليانو 200 ڊالر خرچ ڪري ٿو.
Thursday, November 7, 2013
ڇا موبائل سان ڪينسر ٿئي ٿو
عام طور تي موبائل تي تنقيد ڪندڙن جو هي چوڻ آهي ته ان جي استعمال سان وقت ۽ پئسي جو زيان ٿئي ٿو. حادثن جو به خطرو هجي ٿو ظاهر آهي جيڪڏهن ڪو ماڻهو گاڏي هلائيندي ميسيج پڙهندو. ته حادثن جو خطرو ته هوندو. پر ڪجهه ماڻهو موبائل جي گهڻي استعمال کي ڪينسر جي خطري سان ڀيٽي رهيا آهن. ڪن نڪ ۽ ڳلي جي ماهر ڊاڪٽر ڪليم الله ٿهيم وائس آف آمريڪا سان ڳالهه ٻولهه ڪندي ٻڌايو ته موبائل فون ايمرجنسي جي صورتحال ۾ يا ڪا ضروري ڳالهه ڪرڻ جي لاءِ مختصر دورانئي لاءِ استعمال ڪرڻي آهي گهڻو وقت ڳالهائڻ نقصانڪار هجي ٿو ڇو ته موبائل مان نڪرندڙ برقي مقناطيسي اثر انساني صحت کي نهايت نقصان ڏئي سگهن ٿا. ڊاڪٽر جو چوڻ هو ته فون کي ڪن تي رکي گهڻي دير تائين ڳالهائڻ سان ڪن ۽ دماغ متاثر ٿي سگهن ٿا. تنهن ڪري موبائل کي ڪن کان ڪجهه پري رکي ڳالهائڻ گهرجي. ٿي سگهي ته اسپيڪر فون يا هينڊس فري اوزارن جو استعمال ڪرڻ گهرجي. فون ملائڻ وقت يا ڪنهن جو فون کڻڻ (رسيو ڪرڻ) وقت موبائل کي خاص طور تي ڪن کان پري رکيو وڃي ڇو ته ان وقت تمام گهڻي تابڪاري خارج ٿيندي آهي
پگهر وهايو، جان بچايو
جيڪي ماڻهو چڱي ڀلي سخت ورزش ڪندا آهن ۽ پگهر وهائن ٿا اهي ورزش نه ڪرڻ وارن جي مقابلي ۾ د جي بيمارين ۽ اڌرنگي جهڙي مرض کان محفوظ رهن ٿا. انهن جي لاءِ خطرو رڳو 20 سيڪڙو هجي ٿو. جڏهن ته آرام ۽ ويٺڙ واري زندگي گذارڻ ۽ کاڌي پيتي جي معمول ۾ پرهيز نه ڪرڻ وارا ماڻهو 100 سيڪڙُ خطري ۾ هجن ٿا. جديد تحقيق انهيءَ پراڻي نظرئي جي تصديق ڪري ڇڏي آهي ته پگهر وهڻ سان ڪيتريون ئي بيماريون پري رهن ٿيون، هي نتيجا 27 هزار ماڻهن تي 6 سالن تائين اڀياس ڪرڻ بعد ڪڍيا ويا.
سائيڪل هلايو عمر وڌايو
هڪ تازي تحقيق دوران هي ڳالهه سامهون آئي آهي ته سائيڪل هلائڻ وارن ماڻهن کي هارٽ اٽيڪ جو خطرو گهٽ هجي ٿو ۽ اهي عام ماڻهن کان سراسريطور 6 سال وڌيڪ جيئرا رهن ٿا. هن تحقيق جا نتيجا تازو ئي پڌرا ڪي ا ويا آهن.
تجربا ڪڏهن ختم ناهن ٿيندا، عقلمند اهو آهي جيڪو انهن مان سبق حاصل ڪندو رهي.
(حضرت علي رضه)
دنيا ۾ صرف مورخ ئي اهو شخص آهي جيڪو بار بار پوئتي مڙي ڏسندو آهي.
(شينگل)
تاريخ هميشه پنهنجو پاڻ کي ورجائيندي آهي ۽ اها ئي تاريخ جي غلطي آهي.
(سمرسٽ ماهم)
جيڪو ماڻهو پاڻ تي شڪ ڪري ٿو، اهو پاڻ سان دشمني ڪري ٿو.
(چاننگ)
آئون پنهنجي تجربن جي روشني ۾ ان نتيجي تي پهتو آهيان ته آئون پنهنجي تڪليف جو پاڻ ذميوار آهيان.
(ڊيل ڪارين گي)
جيڪڏهن ڪو قدر ڪرڻ وارو نه ملي ته به نيڪي ڪرڻ نه ڇڏيو.
(حضرت علي رضه)
جڏهن انسان جي روش خدا جي حڪمن موجب بڻجي وڃي ته اهو دشمن کي به دوست بڻائي ڇڏيندو آهي.
(اب بيطار)
طاقت ذريعي محبت حاصل ڪرڻ وارا اهڙا ئي آهن جهڙا جبلن مان کير حاصل ڪرڻ وارا احمق.
(ملٽن)
مڙيئي تصور ضرورت جي وقت ڪوڙا ثابت ٿيندا آهن.
(نٽشي)
آزادي جو ٻج تيستائين انگورجي نه ٿو سگهي جيستائين ظلم جي پاڻي سان ان جي آبياري نه ٿئي.
(ابوالڪلام آزاد)
چونڊ: وقار احمد راهمون
Subscribe to:
Posts
(
Atom
)
