Saturday, November 30, 2013
محترمه بينظير ڀٽو جا ڪرڪيٽ ۾ ورتل دلچسپي..........
محترمه بينظير ڀٽو صاحبه کي ڪرڪيٽ راند سان پڻ لڳاءُ هو. اڪثر جڏهن هوءَ 70 ڪلفٽن، بلاول هائوس يا شيرين جناح ڪالوني واري آفيس ۾ هوندي هئي ۽ انهن ڏهاڙن ۾ ڪرڪيٽ هلندڙ هوندي هئي ته ميٽنگ ڪجهه منٽن لاءِ روڪي هوءَ منور سهروردي يا ناهيد خان کان اسڪور جي باري ۾ پڇندي رهندي هئي ته فلاڻي ٽيم جو ڪيترو اسڪور ٿيو آهي؟ هڪ دفعي محترمه کي ڪراچي ايئرپورٽ ڇڏڻ وياسين، جڏهن هوءَ ڪيسن جي شنوائي اٽينڊ ڪرڻ واسطي اسلام آباد يا لاهور وڃي رهي هئي. VIP لائونج ۾ جڏهن چانهه پي رهيا هئاسين ته اتي انهيءَ وقت پاڪ ڪرڪيٽ جو ڪئپٽن وسيم اڪرم پڻ اچي نڪتو جيڪو پڻ انهيءَ طرف وڃي رهيو هو. محترمه هن سان ڪرڪيٽ جي حوالي سان ڳالهائيندي رهي ۽ ايندڙ ڪرڪيٽ ٽيسٽ جي باري ۾ پڻ پڇيائين ته ايندڙ ميچ ڪنهن سان کيڏي ويندي؟ جڏهن چانهه جو بل آغا سراج دراني اداڪرڻ لڳو ته محترمه منع ڪري ڇڏي ۽ پاڻ پنهنجي پرس مان پئسا ڏيڻ لڳي پر اهي کليا نه هئا، تنهن ڪري هن آ ڏيو ۽ پوءِ اهو چانهه جو بل محترمه بينظير ڀٽو پاڻ ادا ڪيو
Friday, November 29, 2013
Thursday, November 28, 2013
..........ٽنڊي الهيار ۾ ننڍو قد رکندڙ شاگرد صلاحيتن جو مجموعو بڻي
ٽنڊي الهيار جي ڳوٺ بهادر خان دائوداڻي جو رهواسي ٻن فوٽن جو قد رکندڙ شاگرد صابر دائي داڻو صلاحيتن جو مجموعو بڻيل آهي، اسڪول ۾ پڙهائي ۾ سمورن شاگردن کان هوشيار ۽ پڙهڻ لکڻ ۾ سڀنيءَ کان تيز آهي ۽ راندين جي ميدان ۾ به هن سان ڪير نٿو پهچي هو ڪرڪيٽ توڙي ۽ ٻين سرگرمين ۾ به انتهائي گهڻو تيز آهي، گيت ڳائي هو دليون موهڻ به ڄاڻي ٿو، سندس مٺڙو آواز ٻڌندڙن تي سحرطاري ٿو ڪري وجهي ۽ جڏهن هو نچي ٿو انتهائي مهارت سان ناچ ٿو ڪري منهن ڏسي نه تڪيون به ريس ڪنديون آهن عوامي آواز سان ڳالهه ٻولهه ڪندي هن ٻڌايو ته ٻن فوٽن جو قد قدرت ڪيو آهي، آئون زندگي کي ڀرپور جيئڻ ٿو چاهيان پڙهي لکي سٺي نوڪري ڪندس، شادي پنهنجي قد کان وڏي زال سان ڪندس هن چيو ته منهنجي عمر 16 سال ۽ قد ٻه فوٽ آهي ٽين درجي ۾ پڙهيان پيو مون کي ويساهه آهي ته اعليٰ تعليم حاصل ڪندس
Wednesday, November 27, 2013
مسلمان ٿيڻ کان اڳ اسان کي انسان ٿيڻو آهي
مسلمان ٿيڻ کان اڳ اسان کي انسان ٿيڻو آهي، سنڌ صوفين جي ڌرتي آهي، جتي ڪنهن به قسم جي انتهاپسندي کي جاءِ نه ٿي ملي سگھي، سنڌي ماڻهو صدين کان مذهبي روادار ۽ انسان دوست رهيا آهن
Tuesday, November 26, 2013
...........سک جي تلاش
سنسار ۾ هر ڪنهن انسان کي سک جي تلاش رهندي آهي. پر سچو سک ڪڏهن به ڪنهن کي به نه ملندو آهي، ڇاڪاڻ جو هر ڪنهن انسان جي سک جو دائرو به عمر انوسار بدلجندو رهندو آهي. ٻار جڏهن ننڍڙو هوندو آهي ته هن کي ماءُ جي گود ۾ سک ملندو آهي. ٿورو وڏڙو ٿيندو آهي ته رنگبرنگي رانديڪا ڏسي خوش ٿيندو آهي ۽ ماءُ جي گود مان به لهي رانديڪن سان وڌيڪ خوش رهندو آهي. ٿورو ٻار وڏو ٿيندو ته اسڪول ويندو ته پوءِ رانديڪن مان به مزو نه ايندس. لکڻ پڙهڻ، اسڪول جي ٻارن سان راند روند ڪرڻ ۾ وڌيڪ خوش رهندو آهي. اهڙيءَ طرح انسان ٻالپڻ کان ٻڍاپي تائين پيو سک جي تلاش ڪندو رهندو. انسان نه هميشه سکن جي سيج تي سمهيل رهندو ۽ نه دکن جي درياهه ۾ غوطا کائيندو. ڪا به حالت هميشه ساڳي نه رهندي، نه دک رهندو ۽ نه سک رهندو.“ سنساري سک ته کڻ ڀنگر آهن ٽاڪئين شيشي وانگر آهن. دک يا ڪشٽ جي ٿوري ئي ڇهاءُ سان پرزا پرزا ٿي ويندا. لمحي ۾ لکاپتي ڪکاپتي ٿي سگهن ٿا. دولت اچڻي وڃڻي، مٿس ڪهڙو بقاءُ، سچو سکي اهو آهي جو پنهنجي سائينءَ ۾ وشواس رکي ته جيڪي به مالڪ ڪري رهيو آهي ان ۾ منهنجي ڀلائي آهي. سنسار ۾ هر ڪنهن انسان کي پنهنجي نصيب انوسار ئي ملندو ڀلي ڪيترا به حيلا هلائي، ڪوشش ڪري پر نصيب کان سواءِ ۽ وقت کان اڳ ۾ ڪڇ ڀي نه ملندس. ڏک سک هڪ ئي سڪي جا ٻه پاسا آهن ڪنهن شيءَ يا ڪنهن ڳالهه ۾ سک نظر ايندو آهي پر ڏک به ان ۾ سمايل هوندو آهي. گلاب جو گل ٽاريءَ مان پٽيندا آهيون ته ڪنڊو به ضرور لڳندو پر اسان کي گل جي خوشبوءِ سنگهڻ سبب ڪنڊي جو درد ايترو نه ستائيندو آهي. انسان کي هن جنم ۾ اڳئين جنم جي ڪيل ڪرمن جو ڦل به ملي ٿو. ڀوڳنائون اچن ته سمجهجهي جيئن کنيل قرض ڪجهه لاهبو آهي ته آٿت ايندو آهي، تنهن ڪري گهڻو دکي نه ٿجي ۽ همٿ نه هارجي. مالڪ ۾ اٽوٽ وشواس رکجي. هميشه دعا ڪجي هي مالڪ مون کي شڪتي ڏي ته، تنهنجيءَ رضا تي راضي رهان. سکن ۾ توکي ياد ڪريان ۽ دک ۾ ڪريان شڪرانا.
جيڪي ٿئي پيو سو مالڪ جي مرضيءَ انوسار ٿئي ٿو. سائينءَ جي اڇا کان سواءِ وڻ جو هڪ پتو به نٿو چري سگهي ته انسان کي ڪهڙي طاقت آهي جو هن جي مرضيءَ جي آڏو اچي سگهي. ” هلائين ته هلان، بهارين ته بس، واڳ ڌڻي تنهنجي ويس.“
اسين جهڙيءَ حالت ۾ آهيون ۽ ۾ مالڪ ئي اسان کي رکيو آهي. انڪري پوري ريت سندس ئي ڀر وٺون نه ته اسان جي رهنمائي به هو پاڻ ڪندو. هلي دکن سهڻ ۽ ڀوڳڻ لاءِ همٿ به پاڻيهي ڏيندو. شانت ۽ بردبار ٿي رهڻ ۾ خدائي مدد ملي ٿي ”ڏيندو ته مٿان پر ڪنهن جي هٿان.“ ماڻهوءَ کي اهو عقيدو هئڻ گهرجي ڇا جي خوشي يا ڳڻتي. پاڻ کي ڪڏهن به اڪيلو نه سمجهڻ گهرجي. نه همٿ هارجي. رات جي پٺيان صبح ضرور ايندو. دکن پٺيان سک ضرور ايندا. ڪا به حالت هيمشه هڪ جهڙي نه رهندي نه ڪر شڪايت نه ڪر پڪار، سدائين شڪر ۾ گذار. ماندي ٿيءُ نه مارئي تنهنجو به الله آهي. سون ورهين جا دکڙا، تنهنجا لحظي منجهه لاهي.
اخروٽ..اخروٽ....اخروٽ
اخروٽ کي انساني صحت لاءِ سڀ کان وڌيڪ فائدي وارو خشڪ ميوو قرار ڏنو ويو آهي. هڪ تحقيق ۾ انڪشاف ڪيو ويو آهي ته سياري جي مند ۾ خاص ڪري عورتن لاءِ اخروٽ ڏاڍا فائدي وارا هجن ٿا. اهي عورتون جيڪي باقاعدي اخروٽ کائن ٿيون يا هيئن کڻي چئجي ته اخروٽ کي باقاعدي غذا جو حصو بڻائن ٿيون. تن ۾ شگر جو خطرو ٿيڻ کي گهٽجي وڃي ٿو. هن جا طبي فائدا به گهڻا آهن. هن ۾ موجود جزا دل جي بيمارين، هاءِ ڪولسٽرول (چرٻي جي وڌندڙ مقدار کي گهٽائڻ) ۽ هڏين جي مرض سميت ڪيترين ئي بيمارين کان بچائن ٿا
..........پچائڻ کان اڳ خراب آني جي سڃاڻپ
1. تازو آنو..هي آنو پاڻي جي برتن ۾ وجهن سان تري ۾ لهي ايندو ۽ پاڻي ۾ ويهي رهندو..
2. هفتو پراڻو آنو..هي آنو پاڻي جي برتن ۾ وجهڻ سان تري تائين پهچندو ۽ هن جو ٿلهو پاسو مٿي اٿڻ جي ڪوشش ڪندو..
3. 3 هفتا پراڻو آنو..هي آنو پاڻي جي برتن ۾ وجهڻ سان تري تائين پهچڻ جي ڪندو پر اهڙي طرح جو سندس چهنب وارو حصو تري ڏانهن جڏهن ته ٿلهو حصو مٿي هوندو..
4. خراب آنو..هي آنو پاڻي جي برتن ۾ وجهڻ سان پاڻي سطح تي ترڻ لڳندو.. ياد رکو اهڙو آنو خراب هوندو ۽ کائڻ جي لائق نه هوندو…
........ڏاهن جا گفتا,
آمريت ذاتي شوق ۽ بي اعتماد تي ٻڌل هوندي آهي.(وان لون)
مون کي دولت پٺيان ڊوڙندڙ سياڻن کان نفرت آهي، آئون چريو آهيان جو سنڌ سان محبت جو قائل آهيان.(جي ايم سيد)
غلامي جا ڪهڙا به خوشنما نالا ڇو نه هجن، پر اها خدا جي مرضي خلاف آهي.(ابوالڪلام آزاد)
جيڪو ماڻهو به هوش ۾ هوندو آهي اهو تڪبر ناهي ڪندو.(شيخ سعدي)
دين جي پابندي ماڻهن کي مصيبتن کان بچائي ٿي ۽ دنيا جي لالچ آفتون آڻي ٿي.(حضرت علي رضه)
Monday, November 25, 2013
Subscribe to:
Posts
(
Atom
)
