تازو ٿوري ٿوري وقفي سان، سنڌ ۾ تعليم جي صورتحال جي باري ۾ ٻه رپورٽون سامهون آيون آهن، هڪ رپورٽ” اثر پاڪستان“ Annual status of education report نالي هڪ قومي اين جي او جي آهي، جڏهن ته ٻي رپورٽ يونيسڪو، يونيسيف، عالمي بئنڪ ۽ ٻين ادارن جي گڏيل رپورٽ آهي. انهن ٻنهي رپورٽن سان وفاقي توڙي صوبائي حڪومت جي دعوائن جا پول پڌرا ٿي وڃن ٿا. عالمي ادارن واري رپورٽ ۾ چيو ويو آهي ته سڄي ملڪ ۾ 65 لک ٻارڙا بنيادي تعليم کان محروم آهن، جنهن مان سنڌ ۾ اهرڻ ٻارڙن جو تعداد سڀني صوبن کان وڌيڪ 40 لک آهي، جن هيل تائين اسڪول جو منهن به نه ڏنو آهي
